B1 and B2... ang pagtatagpo at ang Curry Sunday

Sabado ng umaga, yun ang usapan namin nila jo para sa aming pagtatagpo... medyo na late lang kami ng dating... kasi naman, sa dami dami naman ng pagkakataon, tsaka pa kami nawalan ng tubig... buti na lang nagkatubig ulit at nakapag ayos na kami ni Rc... takbo kami agad para i meet si Jim sa Mcdo Taft, inip na inip na raw... Naubos nya na lahat ng nasa menu ng mcdo... buti na lang... dahil buong araw pala kaming di makakakain.

Taxi agad papuntang gilmore, tawag sa telepono "Jo, andiyan na kami... konting konti na lang malapit na kami.." Tapos sabi ni Jo, "Asan na kayo?" Sabi ko "Basta malapit na kami...wag kang magagalit". Ang totoo, nasa taft pa lang kami.

Pag dating ng gilmore, punta kaming PC madness, finally, nameet ko na si b1... ang aking lalabs! ehehehe. Ang bati ba naman sa akin... wag kang lalapit... mukha tayong number "10". Bwahahaha... kakatawa talaga to si Joanne, though ang first impression ko sa kanya...siya ay "love sick", di naman pala. ang saya saya nya kausap, tawa lang kami ng tawa. Si rc naman, parang natutuliro na, ikot dun ikot dito. May nakita akong cordless mouse, gusto ko sanang bilihin kaya lang inawat ako nung dalawa... buti na lang sumunod ako... pero gusto ko na talaga ng cordless mouse... nyak, kaso ang mahal, nevermind. Habang nag kwekwentuhan, picture taking ng konti... Click


B1 at B2

Finally, natapos din yung dalawa sa kanilang agenda, sabi ni RC lunch daw sa kanila, naknangtipaklong, alas 4 na yata kami natapos, buti na lang may donut si joanne sa sasakyan, 2 pa ang nakain ko... yung lunch naging hapunan. Pero masaya naman kami kahit gutom na gutom na. Lakas ng ulan nung nasa coastal road na kami, gusto ko sanang bumili ng fish cracker sa gutom kaya lang every time na may dumadating na naglalako, biglang "go" na yung signal kaya kailangan na naming umandar. Ang haba ng biyahe, at sa wakas, nakarating din kami sa bahay nila ronnie, na meet namin ang kanyang family, at extension ng kanyang pamilya na nag vivideoke... nood naman kaming Star Circle quest something habang hinihintay ang chibog. Sarap ng pagkain... Lechon kawali, adobo, calamares, ensalada... (ginugutom ako ulit... sana tinotohanan yung biruan namin na pwedeng mag take-out). Binaba namin mga stuff, then, kinantyawan ko si Joanne, "Gerry's tayo! parang nalalasahan ko sisig..." tapos nagkakayayaan na... si ronnie... kinulit din namin kaya napasama din... sa Libis...

Malakas pa rin ang ulan, habang papunta kami, natrapik kaming bigla... may santacruzan pala... rain or shine... tuloy ang parada ng magaganda... ang ganda ng reyna elena, di ko lang nakunan.

Gerrys, order kami ng sisig tsaka san mig light. Medyo nalalasing na ako kaya tumahimik ako sa kwentuhan, si joanne naman... kwento ng kwento, tungkol sa ali at sa paglay-out ng html.

Ang haba ng oras na magkakasama kami, si Joanne, miss na miss na ang kanyang mga "boys", si rc plakda sa likod ng sasakyan, Ang saya ng naging araw ko... sana maulit ulit yung gala namin...
====================
Linggo, late ako sa mass, pero nakaabot pa naman, wore my pink shirt, at mukhang lahat ng tao tumitingin sa akin. Parang gusto kong itanong, "Ngayun lang ba kayo nakakita ng kulay PINK?" pero since simbahan yun, smile na lang ako... natapos ang mass, nagyaya akong kumain ng Indian food for a change, masarap naman yung naorder namin mutton curry, kakaiba...


sa loob ng indian restaurant

Uwi ng bahay sandali, inayos ni arlene resume ko, naidlip ng konti, though nakapikit lang ako, di ako makatulog, rehease ulit ng 2:30 tapos nag uwian na. Sarap mag blog... nakakatanggal ng stress... ehehehe