... bakit gusto mong mag-abroad?
...bakit yan ang suot?
...ganyan ba kaputi? katangos?

... ba't ganyan ang tunog?
...ba't ganyan ang pustura't ayos?
...iba ang titik ng kinasanayang himig

Kagabi nanaginip ako...
pagmulat ko...
Singtangos ng langit ang ilong
Simputi ng mga ulap katawan ko...
pagbuka ng bibig? anong sabi mo?
Mundo'y umikot, bumaliktad ang daigdig ko.

Pikit mata,
nakinig sa puso ko...
ito ang alam kong himig... alam ng dugo ko...
Piling pili... pinong pino...ito ang lahi ko...
Gisingin mo na ako sa panaginip kong ito...

gusto mo bang lumaya?
Balutin mo ang katawan sa watawat...
Alam kong alam mo na ito.

Mabuhay ka!
Baka paggising natin bukas...
Malaya na nga tayo.



Bilanggo